2.700 shqiptarë të burgosur në Itali presin të fitojnë aministinë

• Tweet

• Tweet

Pas lajmit se Greqia do lirojë të burgosurit e huaj, edhe Italia ka dhënë sinjalet …

e saj dhe duket se fati do iu buzëqeshi 2700 emigrantëve shqiptarë. Një ndër masat e marra nga qeveria italiane për të ulur numrin e të dënuarve mbi kapacitetin e lejuar, ishin dhënia e fondeve për ndërtesat e reja, por për disa të dënuar ka shumë gjasa që ta vuajnë dënimin në kushtet e arrestit shtëpiak.

Madje, ministrja e Drejtësisë, Paola Severino, ka deklaruar për mediat se nuk është kundër edhe një amnistie të mundshme. Partia e Berluskonit dhe Lidhja e Veriut i cilësuan këto masa si të papranueshme. Paketa e masave parashikon gjithashtu edhe daljen nga burgu të atyre personave që kanë ende deri 18 muaj dënim, që mund ta vuajnë tani e tutje në kushtet e arrestit të shtëpisë.

Gjithashtu parashikohet që brenda 48 orëve të vendoset nëse një person i ndaluar nga forcat e rendit do të shkojë në paraburgim, në arrest shtëpie apo do të lirohet nën masën e detyrim paraqitjes. Realisht e gjithë paketa ligjore e masave pritet të duket se ka marrë akordin edhe të Parlamentit Italian, i cili ka vendosur në realizimin e tyre në praktikë për të evituar qarkullimin në burgje të rreth 21 mijë personave, të cilët dalin brenda tre ditëve për arsye nga me të ndryshmet.

Postoje