Athine, 3 mije emigrante proteste kunder qeverise

Nëse ju pëlqen ky artikull ju lutemi shtypni butonin "LIKE" që ndodhet më poshtë

• Protestuesit marshuan mbreme nëpër rrugët qëndrore të kryeqytetit grek duke hedhur sllogane antiraciste. Me një vendim qeveria e Athinës ka vendosur të dërgojë emigrantët jashtë qytetit në disa qendra pritjeje.

ATHINE- Rreth 3 mijë emigrantë në Greqi, kanë zhvilluar mbrëmë një protestë në qendër të Athinës kundër qeverisë dhe masave te saj ndaj emigranteve. Protesta ishte organizuar nga grupet e të drejtave të njeriut dhe aktivistë të majtë e pacifiste dhe i bëhej thirrje qeverisë të ndalë aktet raciste ndaj emigranteve.

Protestuesit marshuan në rrugët qëndrore të kryeqytetit grek duke hedhur sllogane antiraciste dhe duke mbajtur pankarta ku lexohej: Duart larg nga emigrantët, jo kampeve të përqëndrimit etj. Kjo protestë masive e mirëorganizuar, u zhvillua pas disa demonstratave të vetë emigrantëve që janë ankuar për kushtet e tyre të jetesës dhe dhunën policore e diskriminimin. Qeveria greke është kritikuar nga grupet e të drejtave të njeriut se nuk bën asgjë për emigrantët; nuk u jep azil politik, nuk i strehon dhe as i legalizon.

Me një vendim qeveria e Athinës ka vendosur të dërgojë emigrantët jashtë qytetit në disa qendra pritjeje, të cilat dikur kanë qenë shtëpi apo depo të braktisura. Qëllimi është reduktimi i mbipopullimit të Athinës dhe vendosja e qetësisë. Por ky akt është konsideruar racist nga grupet e të drejtave të njeriut pasi emigrantët nuk duhet të vecohen në këtë mënyrë por të integrohen.
(s.g/BalkanWeb)

Nëse ju pëlqen ky artikull ju lutemi shtypni butonin "LIKE" që ndodhet më sipër