Baba me spermën e 22 viteve më parë
Chris Biblis, 39 vjeç nga Karolina e Veriut, u bë baba pasi 22 vite më parë kishte ngrirë spermën e tij. Që kur ishte adoleshent ai u kurua me trajtime kimio e radioterapi për të kuruar një leucemi. Pas kësaj ai u bë steril. Por fakti se rreth një muaj më parë ai u bë baba konsiderohet prej tij një mrekulli. Sipas mjekëve të klinikës që ka bërë fekondimin, ky rast konsiderohet rekord për harkun kohën që ka rezistuar sperma e tij përpara se të përdorej. Stella Biblis, e porsalindura, është ngjizur në epruvetë falë insistimit të nënës së Chris, e cila dëshironte shumë të ishte gjyshe. Dhurimi i kampionit të spermës daton në vitin 1986 dhe në atë kohë u vlerësua si një gjest i dëshpëruar i 13-vjeçarit. Tre vite më pas Chris u quajt i shëruar. Tani ai dëshiron një jetë sit ë gjithë të tjerët. Ai tha për televizionin ABC në SHBA se të bëhej baba ishte gjëja e fundit, që mund të kishte menduar. Testimi i parë me sukses i shtatzënisë laboratorike u bë në vitin 1992.
Komente: