Greket me te rezervuarit

ATHINË- Qytetarët grekë janë më të rezervuarit për zgjerimin e Bashkimit Evropian, tregojnë rezultatet e sondazhit të kryer nga “Eurobarometri”.
Tetëdhjetë për qind e të anketuarve kanë deklaruar se pajtohen me konstatimin se antarësimi i vendeve të Evropës Qendrore dhe Lindore në BE ka kontribuar në humbjen e vendeve të tyre të punës në Greqi.
Më shumë se gjysma e të anketuarve, 56 për qind, kanë vlerësuar se zgjerimi i BE-së ka ndihmuar në ruajtjen e sigurisë dhe stabilitetit në Evropë.
Por, 72 për qind e grekëve mendojnë se me antarësimin e vendeve nga Evropa Qendrore dhe Lindore është shtuar edhe ndjenja e pasigurisë ndërmjet qytetarëve.
Sipas rezultateve të sondazhit, 88 për qind e sllovenëve, 83 për qind e portugezëve, 79 për qind e francezëve dhe 76 për qind e grekëve janë përgjigjur se me zgjerimin e Bashkimit Evropian është vështirësuar mënyra për marrjen kolegjiale të vendimeve.

(d.b/BalkanWeb)