Greqia nuk do te pengoje Kroacine per ne BE

ZAGREB- Athina zyrtare ka mohuar se do të pengojë integrimin e Kroacisë në Bashkim Evropian, për shkak se ky vend njëh pakicën maqedonase dhe autoqefalinë e Kishës Ortodokse Maqedonase.
Zëdhënësi i ambasadës greke në Zagreb, Zafiros Rosidis ka hedhur poshtë të gjithë zërat që qarkullojnë në lidhje me pengesa nga ana e Greqisë në dëm të Kroacisë. Në një intervistë për për gazetën “Dalmacia e Lirë”, Rosidis ka deklaruar se Greqia nuk do ta pengojë Kroacinë në rrugën e saj drejt integrimit në Bashkim Evropian madje ai ka theksuar se Republika e Greqisë do të mbështesë anëtarësimin e Kroacisë në BE.

(e.n/ina/Balkanweb)