Vrasësi i Korçës kërkon mëshirë

January 11, 2014 by  
Filed under Emigracion

Comments Off

Autori i vrasjes së katërfishtë në Gjonomadh të Korçës, Bashkim Latollari ka dalë të premten para gjykatës për caktimin e masës së sigurisë.

40-vjeçari është shfaqur gjakftohtë fillimisht në sallën e gjyqit dhe nuk i ka munguar humori apo edhe ironia. Por pasi gjykata ka vendosur që të zhvillonte një seancë me dyer të mbyllura, ai ka shprehur pendesë për vrasjet.

Pasi organi i akuzës ka bërë një kronologji të ngjarjes mësohet se autori ka thënë se nuk donte që t’i vriste, por e kishte humbur toruan.

“Jam penduar për atë që kam bërë. E doja Danjelën, por ajo u nda prej meje ndaj dhe unë arrita deri këtu”, ka thënë Bashkim Latollari. Ai ka kërkuar mëshirë dhe ka thënë se është penduar për atë që ka bërë.

Pas kërkesës së prokurorisë, gjykata e faktit ka vendosur vlerësimin si të ligjshëm të arrestit në flagrancë dhe dhënien e masës arrest me burg për Latollarin.

Jashtë dyerve të gjykatës kanë qëndruar edhe familjarët e viktimave Rexhep dhe Valentina Metellari, të cilët me vendim të gjykatës nuk janë lejuar të hyjnë në sallën e gjyqit për të shmangur reagimet e mundshme.

Latollari duket se është braktisur nga të afërmit e tij pasi askush prej tyre nuk ka tentuar të ndjekë këtë seancë, ndërsa ka qenë e vështirë edhe mbrojtja e tij.

Të paktën 40 avokatë të listës së caktuar nga Dhoma e Avokatisë për mbrojtjen kryesisht kanë bojkotuar këtë rast. Vetëm në momentet e fundit mbrojtja e tij është marë përsipër nga kreu i Dhomës së Avokatisë, Arben Lena.

Burimi www.top-channel.tv


Comments

comments

Holanda kërkon aleatë për ti thënë jo Statusit për Shqipërisë

December 16, 2013 by  
Filed under Emigracion

Comments Off

bashkimi-europian

Holanda kërkon aleatë për ti thënë jo Statusit për Shqipërisë

Holanda ka nisur së kërkuari aleatë në vendet e Unionit Europian, në mënyrë që të mos jetë e vetme në qëndrimin e saj refuzues për statusin e vendit kandidat për Shqipërinë në mbledhjen e 17 dhjetorit në Bruksel.

Ky është konkluzioni një shkrimi të botuar në gazetën “Netherland Times”, në të cilin thuhet se ministri i Jashtëm, Frans Timmermans nuk do që të jetë i vetëm në këtë punë të pistë për vendet e tjera të BE-së, duke kundërshtuar statusin e Shqipërisë. Ai, thuhet në vijim të artukullit, do të kërkojë aleatë europianë tek të cilët kërkon mbështetje për kundërshtinë e Holandës.

Duke shpjeguar rrethanat që kanë prodhuar këtë “jo” holandeze, gazeta “Netherland Times”
Statusi
Lituania negocion për statusin e Shqipërisë
Statusi, lob pro shqiptar në BE
Vështirësitë për statusin
thekson se qeveria holandeze mendon se Shqipëria nuk është ende gati për ta gëzuar këtë status, pavarësisht se vendi arriti standarte politike, por që nuk janë zbatuar ende.

Ky qëndrim i qeverisë holandeze i atribuohet deklarimeve të ministrit të Jashtëm, Timmermans, i cili ka deklaruar se: “Nëse ky vend ballkanas është gati deri në mesin e vitit 2014, atherë duhet t’i jepet statusi i vendit kandidat”.

“Netherland Times” shkruan se shumica e partive në Parlament janë shprehur kundër propozimit të Komisionit Europian. Megjithatë, theksohet në këtë artikull, sipas ministrit Timmermans, nëse Holanda e jep një qëndrim final për këtë çështje, atëherë do të vendoset në një pozicion të vetmuar.

Në një situatë të tillë, ka theksuar ministri Timmermans, vendet e tjera që ndajnë mendimin se Shqipëria nuk është ende gati do ta lënë këtë punë të pistë, pra refuzimin, në dorë të Holandës.

Dhe nëse ndodh kështu, thuhet në fund të artikullit, Holandës do t’i duhet të përballet me kritikat e vendeve të tjera skeptike, të cilat mund të mos dalin hapur me kundërshtitë e tyre, por gjasat janë që Timmermans të mos përfshihet në këtë lojë.

Për këtë, ai ka mbështetjen e Parlamentit, nga ku ka marrë dakordësinë për t’i dhënë kohë në gjetjen e aleatëve të tjerë mes vendeve europiane


Comments

comments

Merren peng 4 të rinj nga Dukagjini. Familja greke kërkon 25 mijë euro ose do t’i ekzekutojë

May 19, 2013 by  
Filed under Lajmi i Fundit

Comments Off

 

KRETË- Katër të rinj nga Dukagjini janë rrëmbyer dhe po mbahen peng nga një familje greke në Kretë. familja e njërit prej të marrëve peng ka denoncuar rastin, ndërsa bënë apel për ndihmë.

Arsyeja e pengmarrjes mendohet të jetë një vjedhjeë që kanë bërë të rinjtë  në një banesë në Kretë. Pronarët e shtëpisë së grabitur kërkojnë në këmbim  të lirimit, 25 mijë ose thonë se do të ekzekutojnë sipas tyre grabitësit nga Dukagjini.

Të rrëmbyerit janë Klodian Marku, Fatjon, Kristian dhe Mark Rregalla.

Policia: Djemtë nuk kanë dorë në vjedhje

Grupi i të rinjve kanë qenë të denoncuar në policinë greke  për këtë rast vjedhjeje nga pronarët e shtëpisë të cilët pretendojnë se i janë grabitur shuma të mëdha parash. Policia pas hetimit të ngjarjes së denoncuar, ka arritur në përfundimin se të rinjtë nga Dukagjini nuk kanë dorë në vjedhjen e pretenduar. Blutë greke i kanë liruar të rinjtë nga akuzat, por familja mesa duket ka vendosur të bëjë vetëgjyqësi. Ata kërkojnë 25 mijë euro në këmbim të lirimit të djemve, në të kundërt do t’i ekzekutojë.

Apeli i familjes për ndihmë

Familja e Klodian Markut bënë apel për ndihmë nga Ambasada shqiptare në Greqi, pasi siç shprehen ata i riu është i pafajshëm. Ata nuk janë të përfshirë në vjedhje.

/Shekulli Online/

Pirro Dhima lobon për Vorio Epirin, u kërkon “llogari” ministrave grekë!

February 1, 2013 by  
Filed under Emigracion

Comments Off

Pirro 1

 

Kohët e fundit rishfaqen kërkesat dhe idetë për Vorio Epirin.

Padyshim që leva më e mirë për këtë çështje është deputeti i partisë së PASOK-ut dhe kampioni i botës në peshëngritje Pirro Dhima. Sipas mediave greke, Dhima pas “konsultimit” intensiv me organizatat e minoritetit grek në Shqipëri ka nisur një sërë takimesh për lobimin e tyre.

Madje bëhet e ditur se Organizata për Sigurimin Bujqësor ka paguar pensionet e 767,798 poseduesve të “Epirit të Veriut”, të cilëve u bashkëngjiten dhe pensionistët “grekë” që jetojnë në Shqipëri, por që kanë lidhur një pension të tillë në shtetin fqinjë. Shuma e pensioneve të akorduar nga Organizata e Sigurimin Bujqësor kap shirën e 337,359,419.96 eurove.

Ndërkohë ne  pyetësor të cilin deputeti i “Vorio Epirit”, siç konsiderohet nga Organizatat e minoritetit grekë në Shqipëri, por që realisht është deputet i partisë së PASOK-ut, Pirro Dhima i ka drejtuar Ministrit të Punës, Sigurisë dhe Kujdesit, John Vroutsis, në parlamentin grekë.

Pirro Dhima i drejton këto pyetje Ministrit të Punës, Sigurisë dhe Kujdesit, John Vroutsis:

a) Do të ketë kujdes specifik dhe do të trajtohen në mënyrë të veçantë të moshuarit e Vorio e Epirit – kjo për shkak të pozicionit dhe situatës së tyre të vështirë – dhe do të reduktohet afati i parashikuar i qëndrimit të tyre në Greqi, në mënyrë që të lehtësohet pensionimi i tyre nga OGA?
b) Në rastin e pensionimit paralele nga qeveria shqiptare, do të vendosni tavan të pensioneve kumulative, që me të drejtë, nuk i kalon 400 €?
c) Do të merret në kujdes të veçantë “Voreioipeirotissa” e moshuar për të marrë një pension OGA-je, pavarësisht nëse bashkëshorti i saj do të marrë apo pension?

Kërkonin bombë, por gjetën një të porsalindur

September 26, 2012 by  
Filed under Lifestyle

Comments Off

 

Kërkonin bombë, por gjetën një të porsalindur<br /><br />

Një grup ushtarësh polakë të ISAF-it në Afganistan janë kapur plotësisht në befasi, kur po ekzaminonin një pako të dyshimtë për bombë, por në të gjetën një fëmijë të porsalindur.

Ngjarja ka ndodhur në veri-lindje të provincës Kunar, ku ushtarët kujtuan se kishin gjetur një bombë për ta caktivizuar, ndërsa aty ndodhej një foshnjë, jo më shumë se dy ditëshe.

“Kishim dhënë alarmin për një bombë artizanale të vendosur nga talebanët, dhe kishim marrë të gjitha masat për rastin. Por ishte një surprizë e madhe kur dëgjuam se dicka brenda pakos lëvizte”, tha një zëdhënës nga baza ushtarake e njësisë polake.

Sipas një gazete lokale, ushtarët kanë zbuluar kapakun e kartonit dhe gjetën brenda një të porsalindur të gjinisë femërore të mbështjellë me peshqir. Menjëherë foshnja është transportuar në bazë, ku është vizituar nga mjekët të cilët e kanë gjetur në gjendje të mirë shëndetësore.

Situata ka qenë pak komike dhe e silkletshme pasi struktura nuk ka qenë e përgatitur për të ndihmuar dhe ushqyer një porsalindur. Por më vonë një ushtar është ngarkuar me një “mision special”: Të shkonte tek farmacia afër qendrës së banuar për të blerë një biberon, qumësht dhe ushqim për të porsalindurit.

Tani fëmija, së cilës iu vu emri Pola, në kujtim të vendit nga vinin ushtarët që e shpëtuan, do t’i dorëzohet autoriteteve qeverisëse afgane që duhet t’i gjejnë prindërit, ose ta dorëzojnë në një qendër për të mitur.

 topchanel

Rita Ora kërkon të dashur

September 14, 2012 by  
Filed under Showbiz

Comments Off

Superylli shqiptar me famë botërore, Rita Ora, duket se kërkon të dashur, pas deklaratave se ajo është aktualisht ‘single’ dhe e ‘vetmuar’.

 

 

 

Këngëtarja së fundmi u spekulua se është në lidhje me Rob Kardashian, por në një intervistë për revistën Rollacoaster, Rita ka këmbëngulur se ata janë vetëm miq të mirë.

Krijuesja e hitit “R.I.P” ka zbuluar se tani është pa të dashur në jetën e saj, por dyshon se mund të krijojë një marrëdhënie të suksesshme dashurie, për shkak të agjendës së ngjeshur.

“Jam aq e vetmuar. Unë thjesht dua të krijoj një lidhje dashurie… tani për tani, nuk do të ishte e drejt të jem në një lidhje. Unë nuk kam farë kohë për këto gjëra – nuk dua t’ia bëj një gjë të tillë dikujt që do të më dashuronte”, ka deklaruar Rita. /Telegrafi/

Pas 25 vitesh kërkon në internet prindërit, që e braktisën

August 30, 2012 by  
Filed under Te ndryshme

Comments Off

U braktis nga prindërit sapo erdhi në jetë, ndërkohë që ndonëse kanë kaluar 25 vite vajza kërkon të njihet me nënën dhe babain e saj.

25-vjeçarja Victoria Vardy është braktisur në një dyqan pak orë pasi erdhi në jetë dhe tashti kërkon të gjejë nënën dhe babain biologjikë nëpërmjet një videoje të publikuar në internet.

“Ende edhe sot e kësaj dite, nuk jam në dijeni të origjinës sime”, shprehet ndër të tjera vajza e re.

Ajo njihej me emrin Katy Elder, ashtu sikurse e quanin edhe shitësit e qendrës tregtare të Chesterfield, në Sheffield, ku vajza ishte braktisur 25 vite më parë.

Sot, Victoria Vardy, ky është emri që i ka vënë familja adaptuese, ka postuar një video në internet ku kërkon të njihet me prindërit biologjikë të saj, raporton noa.al.

25-vjeçarja deklaron se nuk dëshiron një familje të re pasi ndjehet tepër me fat dhe e lumtur tek familja që e ka rritur, por shprehet se dëshiron të zbulojë origjinën e saj.

b.gj/noa.al

Turqia kërkon autenticitetin e Flakës së Lojërave Olimpike, Greqia në panik!

August 5, 2012 by  
Filed under Emigracion

Comments Off

 

Turqia kërkon kthimin e Flakës Olimpike në “vendlindje”!

Shumë reagime të forta kanë ngjallur deklarimet e kryeministrit turk, Recep Tayyip Erdo?an, i cili deklaroi: “Duhet që Flaka e Lojërave Olimpike të kthehet në vendlindjen e saj, në Lindje”.

Siç dhe deklaroi Ministri turk i Sportit, Suat Kiliç, në një takim që ai kishte me kryetarin e Komisionit Qendror të Lojërave Olimpike, në kuadër të dedikimit të Lojërave Olimpike 2020 nga Stambolli: “Recep Tayyip Erdo?an i shpjegoi Jacques Rogge, se Turqia është vendlindja e Flakës Olimpike dhe se e duam përsëri të rikthehet në vendin e saj. Ai i këshilloi si Jacques Rogge, po ashtu dhe këshillit të lartë të Komisionit të Lojërave Olimpike, që ta kthejnë përsëri në vendlindje Flakën e Lojërave Olimpike. Lindja pret Flakën e saj”.

Ndërkohë, , i menjëhershëm ka qenë dhe reagimi i forcave të ndryshme politike në Greqi. Deri më tani nuk ka asnjë pronocim zyrtar nga ana e qeverisë për çështjen në fjalë. Partia politike greke, “Grekët e Pavarur” në njoftimin e taj, thotë: “I këshillojmë kryeministrit turk, të mos i kalojë kufijtë e paturpësisë, sidomos për çështje historike që nuk kanë nevojë për mëdyshje”./alb-observer.com/

 

“Ilia Karelit i është hequr zemra në Greqi”

April 8, 2014 by  
Filed under Emigracion

Comments Off

Ekspertiza shqiptare fakton dyshimin. Në Greqi pyeten gardianët e parë, asnjë nuk është në burg

Instituti i Mjekësisë Ligjore në Shqipëri ka faktuar dyshimin e familjarëve, sipas së cilëve, Ila Kareli, (Kudret Kume), i burgosuri shqiptar i dhunuar për vdekje në burgjet greke, nuk kishte zemrën. Raporti i është dërguar Prokurorisë Shqiptare, e cila këtë raport pritet t’ua delegojë grupit hetimor në Greqi, të cilët po hetojnë për ngjarjen e rëndë, ku të dyshuar janë pikërisht gardianët e burgut. Këta të fundit janë marrë në pyetje ditën e djeshme, në përpjekje për të hedhur dritë mbi dhunimin e Karelit, por asnjëri prej tyre nuk pranoi, duke kërkuar kohë që të jepnin shpjegime më të hollësishme.ilia_kareli_dielli.al_-320x169

 

Ekspertiza mjekoligjore

Në përfundim të kryerjes së autopsisë ndaj Ilia Karelit, i njohur ndryshe si Kudret Kume, ku konstatohet se i dënuari shqiptar në burgjet greke ka vdekur nga dhuna, Mjekësia Ligjore në Shqipëri i kërkon Prokurorisë të aktivizohet për të komunikuar sipas procedurës me palën greke për këtë çështje. Mjekësia Ligjore i sugjeron organit të akuzës që të kërkojë shpjegime nga mjekësia ligjore greke se përse mungon organi i zemrës në trupin e të ndjerit nga fshati Zhupan i Fierit dhe përse në trupin e tij ka heqje të indeve në pjesën e parakrahut dhe në gishta. Kjo kërkesë e Mjekësisë Ligjore vjen në momentin kur në raportin përfundimtar të tyre u dol në një përfundim të ngjashëm me raport ekzaminimin e palës greke, ku u konstatua se në trupin e 40-vjeçarit kishte thyerje të brinjëve dhe hematoma të dukshme në kokë e fytyrë.

Ndërkohë që për mungesën e zemrës dyshohet se ajo mund të jetë hequr nga mjekësia ligjore greke për autopsi edhe pse për raste të tilla ekzaminimesh specialistët nuk i marrin komplet organin e zemrës. Nga ana tjetër edhe Komiteti Shqiptar i Helsinkit u sugjeron homologëve të vet në Greqi të ndjekin çështjen e torturës me pasojë vdekjen e 42-vjeçarit e më pas të informohen për shkaqet se përse vdiq Ilia Kareli. Aktualisht për vdekjen e 42-vjeçarit kanë nisur hetimet edhe në Prokurorinë e Fierit pas një denoncimi të të afërmeve të tij.

 

Pyeten gardianët 

Ndërkohë, tetë thirrjet e para për të dëshmuar në hetuesi janë shpërndarë, nga gjithsej 15 që ka lëshuar hetuesja e qytetit Serres, Gjeorgjia Toutountzi, ndaj rojave të burgut të këtij qyteti, për çështjen “Kareli”. Tetë prej tyre kanë kaluar pragun e hetuesisë për të dëshmuar për aktin e rëndë për të cilin akuzohen, bashkëpunim në tortura që sollën vdekjen e të burgosurit Ilia Kareli. 7 thirrjet e tjera do të dërgohen deri të mërkurën e ardhshme. Sipas burimeve gjyqësore, tetë gardianët e burgut pritet të kërkojnë dhe të marrin një shtyrje kohe për t’u përgatitur për dëshmitë që do të japin, në mënyrë që avokatët e tyre mbrojtës të kenë marrë kopjet e aktakuzës dhe të përgatisin platformën e tyre mbrojtëse. Në listën e rojeve të burgut që janë thirrur për të dëshmuar, nuk përfshihet deri tani drejtori i burgut të Nigritës, i cili përballet edhe me akuzën e shkeljes së ligjit për mbrojtje të të akuzuarve dhe mospaditje të akteve kriminale.

Sipas informacioneve të TCH, të gjithë gardianët vazhdojnë të punojnë normalisht në burgun e Nigritës, pasi ende nuk është dhënë asnjë urdhër, qoftë edhe për pezullimin e përkohshëm të tyre. Gjithashtu, mësohet se një ekip me krerët e Unionit të Rojave të Burgut të Greqisë ndodhet në qytetin e Serresit për t’u takuar me kolegët e tyre të akuzuar.

Avokati i Popullit

Totozani: Garanci për të dënuarit shqiptarë

Avokati i Popullit në Shqipëri, Igli Totozani, ka deklaruar se ka marrë garanci nga homologia greke për respektimin e të drejtave të të dënuarve shqiptarë në burgjet helene. “Homologia në përgjigjen e saj më premtoi se do të tregohet kujdes për të dënuarit shqiptarë në Greqi”, ka thënë Totozani, nga Pogradeci ku ka përuruar zyrën lokale të Avokatit të Popullit. Duke u fokusuar te çështja e të burgosurit të vrarë Ilia Kareli, Totozani ka theksuar se i dënuari është torturuar nga gardianët. “Kareli është torturuar nga gardianët, veprimet e të cilëve janë tërësisht antiligjore. Ndërsa familja e Karelit është palë e dëmtuar në procesin penal të nisur në Greqi”, ka thënë Totozani. Më tej, Avokati i Popullit ka vlerësuar rolin e prokurorisë, mediave dhe homologes greke lidhur me çështjen, që siç thotë ai, dalloi tërësisht nga ai i gardianëve grekë.

Burimi  http://gazeta-shqip.com/lajme/2014/04/06/ilia-karelit-eshte-hequr-zemra-ne-greqi/

Stano: Përpjekje për statusin në qershor

March 23, 2014 by  
Filed under Emigracion

Comments Off

Zëdhënësi i Komisionit Europian, Peter Stano në një deklaratë për Top Channel tha se Shqipëria do të ketë mbështetjen për të marrë statusin e vendit kandidat në qershor, por ajo varet më së shumti nga përpjeket e saj. 

 

http://www.youtube.com/watch?v=Cm6_XaXnjpE

Sipas tij poltika duhet të arrijë patjetër konsuens i cili është përgjegjësi e të dy palave.

Intervista e plotë 

Peter Stano, Zëdhënës i KE: Ekziston një perspektivë e qartë për statusin kandidat për Shqipërinë në Qershor, siç u vendos Dhjetorin e kaluar nga vendet anëtare, duke pasur parasysh punën e mëtejshme në këto fusha të rëndësishme, që njihen tashmë nga të gjithë,dhe po i përsëris si: lufta

 

ndaj korrupsionit, krimit të organizuar, reforma e gjyqësorit, cështja e romëve dhe minoriteteve. Pra puna po vijon dhe kjo është saktësisht dhe arsyeja e dialogut të nivelit të lartë. Ne mundohemi t’u përgjigjemi nevojave të Shqipërisë. Sa më shumë angazhime e përpjekje bën Shqipëria, aq më shumë angazhohemi ne si Komision. Pra ne do të mbajmë një takim paraprak të dialogut të nivelit të lartë në Qershor, bazuar mbi idenë që të ndihmojmë qeverinë dhe Shqipërinë në përgjithësi, që të vijojë me rrugën e saj të anëtarësimit në mënyrë të tillë që vendimi i Qershorit të përkojë me atë që është thënë.

TCH: Sa i rëndësishëm është dialogu politik brenda vendit për statusin kandidat?

Stano: Është shumë i rëndësishëm. Gjithëpërfshirja në proces, fryma e bashkëpunimit dhe kompromisit është shumë e rëndësishme. Komisioneri e theksoi se rritja e konfrontimeve, apo tonet konfrontuese në rritje mes dy kampeve mund të ndikojnë në përpjekjet e Shqipërisë për hapin e radhës në procesin integrues. Kjo jo vetëm që u tha publikisht në dialogun e nivelit të lartë, por u përfshi dhe në konkluzionet e takimit. Këtë e vëmë re jo vetëm ne, por dhe vendet anëtare, sepse në fund janë vendet anëtare ato që do të vlerësojnê se çfarë lloj progresi ka bërë Shqipëria, sidomos partitë politike, në rrugën drejt anëtarësimit. Ato do të shohin se sa dhe se si është përmirësuar kultura politike në parlament. Prandaj, do të përsërisja se është e rëndësishme për të gjitha palët e interesuara në Shqipëri që të jenë në dijeni se ky proces është gjithëpërfshirës dhe kërkon kompromis e bashkëpunim konstruktiv. Kjo është ajo që po vëzhgojnë vendet anëtare dhe Bashkimi Europian në tërësi.

TCH: Opozita thotë se statusi kandidat mund të mos merret në qershor për shkak të qeverisë. A jemi në rrugën e duhur?

Stano: Mendoj se vendet anëtare ishin mjaft të qarta në Dhjetor kur vendosën për perspektivën e posaçme për Shqipërinë se në ç’mënyrë mund të mbërrijë tek statusi kandiat. Rruga është tërësisht e hapur dhe kushtet apo pritshmëritë janë të mirëpërcaktuara. Pritshmëritë janë për të dorëzuar mê shumë në fushën e reformave nën frymën e kompromisit dhe gjithëpërfshirjes. Kanë përgjegjësi të gjitha palët për të garantuar që ky ton konfrontues në rritje për shkëmbimet politike të ulet, që të zhvillohet kultura politike brenda parlamentit, dhe kultura politike në dialogun mes aktorëve politik. Ata duhet të bashkëpunojnë në  mënyrë konstruktive, nën frymën e kompromisit, për të gjitha çështjet që paraqiten si sfida për Shqipërinë, sepse ka shumë për të bërë, dhe këto çështje mund të përballen vetëm në mënyrë gjithëpërfshirëse, nëqoftëse bashkëpunohet nën frymën e kompromisit dhe konsensusit. Ky përbën elementin më kryesor për vendimin e vendeve anëtare kur të mblidhen në qershor dhe të analizojnë se çfarë ka dhënë Shqiperia, duke marrë parasysh kulturën, frymën e dialogut dhe kompromisit, si dhe gjurmët e provave për reformat e përcaktuara në fusha si lufta ndaj krimit të organizuar, korrupsionit, reforma e gjyqësorit dhe sundimi  i ligjit.

TCH: Po ndryshimet në administratë, zbatimi i ligjit për shërbimin civil sa ndikon?

Stano: Ligji për shërbimin civil dhe reforma në tërësi u diskutua së fundmi si pjesë e dialogut të nivelit të lartë dhe komisioneri mirëpriti garancitë e qeverisë shqipëtare për të zbatuar pa pengesa këtë ligj, përfshirë marrjen në konsideratë të vendimit të Gjykatës Kushtetuese. Kjo është një ndër pikat më kyçe të bisedimeve për anëtarësim: ligji për shërbimin civil dhe reforma e një shërbimi të tillë.  Ajo që ju duhet si një vend që përgatiteni  potencialisht për  anëtarësimin është një shërbim civil efiçent dhe apolitik, që funksionon në mënyrë efektive dhe siç e kemi thënë qeveria na siguroi dhe shpresojmë se këto garanci do të ndiqen. Të gjitha çështjet e pashqyrtuara do të trajtohen në përputhje me pritshmëritë e europianëve  dhe ligjet e vendit.

TCH: A jeni në dijeni të debatit lidhur me shërbimin serkret dhe si e shihni bashkëpunimin mes institucioneve deri tani?

Stano: Ne jemi të mirëinformuar për gjithçka ndodh në cilindo vend të portofolit tonë dhe sigurisht që i ndjekim zhvillimet sepse këto mund të ndikojnë në procesin e anëtarësimit, për mënyrën se si i plotëson vendi kriteret e duhura. Por nuk është roli ynë që të hyjmë brenda debatit mes institucioneve apo palëve të veçanta. Për ne e rëndësishme është se si funksioni shteti, si miratohen ligjet, çfarë lloj përpjekjesh janë arritur për reformat dhe ajo që themi përgjatë kësaj është se duhet të bëni kujdes me kulturën politike, për mënyrën se si po zhvillohet ajo, dhe të kujdeseni për gjithëpërfshirjen dhe bashkëpunimin konstruktiv të të gjithë aktorëve mbi të gjitha çështjet e tjera të pranishme, që nuk janë të pakta. Shqipëria përballet me shumë sfida dhe duhet shumê punë që kêto të realizohen.

Përgatiti: Arta Tozaj

/ Top Channel

Taksat më të pazakonta që kanë rënduar mbi njerëzit përgjatë historisë

March 20, 2014 by  
Filed under Kuriozitete

Comments Off

“Dy gjëra janë të sigurta mbi këtë botë”, shprehet Benjamin Frenklin, “vdekja dhe taksat”, por ka edhe nga ato detyrime që bëhen qesharake

Taksa mbi urinën

 

Pecunia non olet është një shprehje latine që nënkupton se paratë nuk qelbin kurrë. Gjatë shekullit të parë të erës sonë, perandori romak Vaspasian, vendosi taksën e urinës. Blerësit e saj duhet të paguanin një taksë. Urina nga tualetet publike shitej si një përbërës kryesor për disa procese kimike, si nxirje lëkure dhe zbardhje të rrobave të leshta.

Taksa e lirisë

Përveç çmimit që duhet të paguanin për t’u liruar nga skllavopronari i tyre, skllevërit duhej që gjithashtu të paguanin një taksë të veçantë për fitimin e lirisë.

Taksa e sapunit

Gjatë Mesjetës, qeveritë europiane vendosën një taksë mbi sapunin. Kjo taksë mbeti në fuqi për shumë kohë. Britania e Madhe nuk e shfuqizoi këtë taksë deri në vitin 1835.

Taksa e luftës

Mbreti Henri I i lejonte ushtarët t’i shmangeshin detyrës së pjesëmarrjes në luftëra, duke paguar një taksë të quajtur “scutage”. Në fillim taksa nuk ishte e lartë, por kur erdhi në fuqi mbreti Xhon, ajo u rrit me 300 për qind. Disa pretendojnë se rritja e kësaj takse ishte një nga ato shqetësime që ndihmuan në krijimin e Magna Carta-s, që kufizonte fuqinë e mbretit.

Taksa e kundërshtarit

Oliver Kromuell vuri një taksë kundër rojalistëve, të cilët ishin kundërshtarët e tij politikë. Kjo taksë u merrte atyre një të dhjetën e pasurisë. Më pas ai i përdorte paratë për të financuar aktivitete që u dilnin kundër rivalëve të tij.

Taksa e bixhozit

Loja me letra taksohej që prej shekullit të 16, por në vitin 1710, qeveria angleze e rriti ndjeshëm taksën e lojërave me letra dhe me zare. Kjo çoi në manipulime të mëdha për të shmangur taksën e lojës që nuk u hoq deri në vitin 1960.

Taksa e oxhakut

Në vitin 1660, Anglia vuri një taksë për oxhakun. Kjo bëri që njerëzit t’i mbulonin oxhaqet me tulla që të mos paguanin taksën. Ajo u hoq në vitin 1689.

Taksa mbi kripën

Francezët kishin një taksë mbi kripën të quajtur “the gabelle”, e cila e zemëroi popullin dhe mendohet të ketë qenë një nga faktorët kontribuues të revolucionit francez. Edhe Britania aplikoi më vonë një taksë të tillë, meqë kripa është shumë e nevojshme për njerëzit. Gandi ishte ndër ata që udhëhoqën protesta paqësore kundër kësaj takse.

Taksa mbi dritaret

Në vitin 1696, Anglia vuri një taksë mbi shtëpitë, bazuar në numrin e dritareve që kishin. Njerëzit filluan t’i pakësonin dritaret që të shmangnin taksat, por në vitin 1851 taksa u anulua meqë u zbulua se mungesa e dritareve shkaktonte probleme me shëndetin.

Taksa mbi qirinjtë

Në vitin 1789, në Angli u aplikua taksa mbi qirinjtë. Njerëzit e kishin të ndaluar të bënin qirinj vetë me përjashtim të rasteve kur kishin një licencë dhe nëse paguanin taksa për qirinjtë që prodhonin.

Taksa mbi kinezët

Në vitin 1885, Kanadaja krijoi taksën mbi kinezët, që taksonte hyrjen e imigrantëve kinezë në Kanada. Taksa zgjati deri në vitin 1923, kur u miratua ligji që i ndalonte kinezët të hynin në Kanada.

Taksa mbi televizorët

Në Angli ka ekzistuar një taksë vjetore mbi çdo televizor që dikush kishte në shtëpi. Televizorët me ngjyra taksoheshin më shumë sesa ata bardhezi. Nëse një person i verbër zotëronte një televizor, edhe pse nuk mund ta shihte, duhej të paguante, por vetëm gjysmën e taksës.

Mbi 100 vjeç

Në Nju Meksiko të moshuarit mbi 100 vjeç janë të përjashtuar nga taksat, përveç rasteve kur ata jetojnë në ngarkim të dikujt tjetër.

Taksa të tjera

Në Maine ekziston një taksë mbi boronicat, duke qenë se janë një burim i vlefshëm për shtetin. Ndërsa në Pensilvani rëndon një taksë mbi makinat e vakuumit në stacionet e karburantit.

Pitsburgu ka një taksë prej 5 për qind mbi gjithçka që ofron argëtim apo që i lejon njerëzit të argëtohen.

Në vitin 2005, Tenesi filloi t’u kërkonte trafikantëve të drogës të paguanin në mënyrë anonime taksa për çdo substancë ilegale që shisnin. Pavarësisht se marijuana është e paligjshme, shumë shtete vendosin taksa mbi shitjen e saj.

Në Çikago, ëmbëlsirat që janë të përgatitura me miell taksohen si ushqim me 1 për qind, ndërsa ato të përgatitura pa miell taksohen si ëmbëlsira me 6.25 për qind. Në Kolorado ushqimet e rëndësishme nuk taksohen, por pipat dhe kapakët e gotave plastike taksohen, pasi konsiderohen si artikuj jo të rëndësishëm.

g.shqip

Festa e Ditës së Verës

March 14, 2014 by  
Filed under Lajmi i Fundit

Comments Off

Festa e Ditës së Verës ka gjallëruar shumë qytete të vendit dhe veçanërisht Tiranën, por edhe Elbasanin, ku kjo festë ka edhe origjinën. 

 


Në Tirane, Bashkia por edhe Qeveria kane organizuar disa aktivitete ne disa nga pikat kryesore te qytetit. Ndersa punonin paralelisht per ndertimin e skenave ku do zhvilloheshin aktivitetet sot paradite kishte edhe nje perplasje mes policise bashkiake qe kerkonte largimin e nje fushe basketbolli ndertuar prane busteve te ‘Vellezerve Frasheri’ me arsyetimin se aty do ndertohet nje skene.

Nderhyrja eshte penguar nga ana e policise se rendit qe nuk ka lejuar largimin e fushes, ku po luhej nje ndeshje basketbolli. Disa minuta me pare me te rinjte qe ndodheshin ne kete fushe eshte bashkuar edhe kryeministri Rama.

Nderkohe qe pergjate gjithe bulevardit jane vendosur stenda, po mbahen koncerte te ndryshme me muzike popullore dhe moderne.  Kryeministri Rama me rastin e dites se veres ka bere edhe nje urim per te gjithe.

“I uroj të gjithëve gëzuar Ditën e Verës, pa e fshehur dot gëzimin që ne një pjesë të bërthamës së skuadrës kombëtare të 30 viteve përpara mundëm dy skuadra rresht të ditëve tona. Besoj që ky është një ngushëllim fantastik për moshën që ikën në këtë Ditë Vere. Besoj që ndërthurja e energjisë dhe e pasionit të më rinjve me eksperiencën tonë ju vlejti edhe atyre”, tha Rama.

Kjo feste origjinen e saj e ka ne qytetin e Elbasanit ku festohet çdo vit. Per shkak te permasave te medha qe ka marre kjo feste ne kete qytet disa vite me pare eshte vendosur qe kjo te jete nje feste kombetare dhe qe simbolizon, nisjen e nje stine te re me me shume shprese.

Dita e Verës në Elbasan

Dita e Verës, tashmë një festë kombëtare ka gjallëruar shumë qytete të vendit, por kryefesta është në qytetin e Elbasanit.

Aktivitetet kulmuan mbrëmjen e të enjtes në sheshin ‘Gensher’, ku me mijëra qytetarë kanë ndjekur koncertet e organizuara nga Bashkia e qytetit.

“Le të themi së bashku gëzuar Ditën e Verës, pacim me shumë shëndet, më shumë gëzim, më shumë lumturi. Kjo ditë vere qoftë e mbarë për elbasanasit, qoftë viti i ndryshimit, viti i qytetit pa plehra,  viti i qytetit pa ndotje, viti i ndryshimit të infrastrukturës së qytetetit, Elbasani të ketë më shumë punësim, viti i luftës kundër varfërsisë”, tha kryetari i Bashkisë, Qazim Sejdini.

Sipas tradites se hershme te kesaj feste pagane, njerezit e presin zgjuar dhe duke festuar ardhjen e stines se ngrohte.

Mengjesin e se premtes Elbasani eshte mbushur nga dhjetra mije pelegrine te kesaj feste qe kane ndjekur parakalimet, karnavalet dhe koncertet e shumta.

Festa me lule dhe ballokume ka pushtuar gjithe qytetin, tashme te njohur per kete dite te rendesishme ne kalendarin e festimeve. Ne mesnate Dita e Veres eshte festuar edhe ne qytetin e Korçes, ku dhjetra zjarre, simbol i largimit te dimrit jane ndezur. Ky ritual shoqerohet me kercime dhe muzike. Me festime Dita e Veres eshte pritur edhe ne qytetin e Peshkopise, ku kjo feste eshte tradicionale.

/ Top Channel

Klimë e re mes Tiranës dhe Athinës

February 21, 2014 by  
Filed under Lajmi i Fundit

Comments Off

Ministrat e jashtëm të të dy vendeve thanë sot në Tiranë se kanë rënë dakort t’i japin zgjidhje të gjitha çështjeve të mbetura pezull mes tyre

Shqipëria dhe Greqia duket se kanë gjetur gjuhën e përbashkët për të zgjidhur problemet e mbetura pezull mes dy vendeve. Kjo u konfirmua sot nga ministrat e jashtëm të të dy vendeve, zotit Ditmir Bushati dhe ministrit grek Evangelos Venizellos, i cili ndodhet në Tiranë në përfundim të turit diplomatik në kryeqytetet e vendeve të Ballkanit perëndimor, në cilësinë e përfaqësuesit të presidencës greke të Bashkimit europian. Dhënia e statusit të vendit kandidat Shqipërisë është ndër prioritetet e presidencës greke deklaroi zoti Venizellos.

 
Një klimë e re e ctensionuar duket se po mbizotëron tani në marrëdhëniet mes Tiranës dhe Athinës. Ndërsa gjatë vizitës së tij nëntorin e kaluar në kryeqytetin shqiptar ministri i Jashtëm grek dhe ai shqiptar mbajtën një distancë të qartë lidhur me cështjet që shqetësojnë të dy palët, sot deklarimet e tyre ishin në të njejtën gjatësi vale.

“Në nivelin dy palësh, ekzistojnë disa cështje që qëndrojnë pezull, por sic tha dhe ministri Bushati kemi bërë një përgatitje shumë thelbësore e praktike që na lejon të lëvizim shpejt, të japim zgjidhje përfuindimatare të të gjitha cështjeve mbetur pezull duke patur si bosht kryesor respektin e së drejtës ndërkombëtare dhe marëdhëniet e fqinjësisë së mirë”, deklaroi ministri Venizellos
“Jam i kënaqur të deklaroj para opinionit publik se kemi rënë në ujdi me qeverinë greke, për të aktivizuar disa komisione që burojnë nga traktati i miqësisë që është kuadri rregullator mes dy vendeve tona, cështje të cilat gjithashtu kanë të bëjnë me problematika që do të dikutohen nga komisionet përkatëse në një frymë mirëkuptimi, e në kuadër perspektivës euroatlantike që të dy vendet ndajnë”, tha nga ana e tij ministri Bushati.

Një ndër problemet që kërkon prej kohësh një zgjidhje është ajo e toponimeve, e emrave të vendlindjes së fëmijëve të emigrantëve shqiptarë, që në pasaportat e tyre janë të shkuara shqip e që Greqia nuk i njeh. “Kemi gjetur gjuhën e përbashkët për të konsideruar cështjen e toponimeve, si një cështje të karakterit të qartë teknik dhe si një cështj e cila përsa na takon, do të adresohet në përputhje me standartet ndërkombëtare të aplikueshme në këtë fushë, duke respektuar në këtë mënyrë të drejtën ndërkombëtare integritetin territorial të të dy vendeve, parimet e fqinjësisë së mirë”, shpjegoi ministri Bushati.Edhe ministri grek tha se sigurisht do t’i jepet zgjidhje cështjeve që lidhen me njerëzit dhe lëvizjen e lirë, duke nënvizuar se nuk bëhet fjalë për një cështje politike.

Mes Shqipërisë dhe Greqisë është edhe cështja e kufirit detar. Ministrat nuk u ndalën specifikisht, ndonëse në mënyrë indirekte ministri Venizellos tha se “e Drejta ndërkombëtare është ajo që do të na japë një zgjidhje të shpejtë të plotë e të zbatueshme për të gjitha cështjet që kanë të bëjnë me fqinjësinë e dy vendeve tona, edhe sa i përket anës tokësore dhe asaj detare”. Ndërsa ministri Bushati u shpreh se është rënë dakort: “për të vazhduar një proces diskutimesh e bisedimesh edhe m të thella, që nuk mbetet vetëm në takimet e niveleve të larta që janë intesifikuar, proces konsultimesh që ne besojmë se do të na cojnë drejt zgjidhjeve të plotë për cështje të cilat edne nuk kanë marrë adresimin e duhur”.

Ministri i jashtëm grek tha se vendi i tij synon të nxisë procesin e zgjerimit të BE-së me vendet e Ballkanit duke riaktizuar atë që u nis në 2003, kur po Greqia kishte presidencën e radhës e që njihet si procesi i Selanikut, ku në fund të muajit prill do të organizohet një tjetër takim i nivelit të lartë BE-Ballkani perëndimor. Ministri Venizellos konfirmoi mbështetjen e Athinës që Shqipëria të mund të marrë qershorin e ardhshëm statusin e vendit kandidat, duke deklaruar se kjo përbën një ndër prioritetet e presidencës greke të Bashkimit europian.

zeriamerikes

 

Të fshehtat: 10 gjërat që askush nuk jua thotë për martesën

January 24, 2014 by  
Filed under Lifestyle

Comments Off

“Bashkë, derisa vdekja të na ndajë” a është kjo fjalia që fsheh edhe disa të vërteta të hidhura, që askush nuk jua thotë kur ngre dolli në dasmën tuaj?

 

 

1. Do të shikoni partnerin dhe do të pyesni veten kaq ishte? Përgjithmonë?

Kur martohesh, mendon se për sa kohë ke gjetur djalin e duhur, shpirtin binjak, do të jeni përgjithmonë të lumtur derisa vdekja t’ju ndajë. Pastaj zgjohesh një ditë dhe kupton se pavarësisht sesa i mirë mund të jetë ai, nuk arrin të të bëjë të lumtur çdo çast të çdo dite. Madje do të ketë ditë të tilla që do të mendoni përse nxituat të martoheshit kaq shpejt. Do të mendoni me vete se kjo nuk ishte ajo për të cilën firmosët. Por në fakt, kjo është martesa. Ditët mund ta bëjnë të vështirë, mund ta bëjnë monotone, mund ta bëjnë të lumtur ose të trishtë, megjithatë ju mbeteni të njëjtë. Përditshmëria i tregon njerëzit dhe të metat e marrëdhënieve të vërteta. Është normale ta keni menduar martesën me më shumë aksion, por me kalimin e kohës gjërat normalizohen dhe jeta merr rrugën e saj të qetë.

2. Do të “punoni” më shumë sesa e kishit imagjinuar

Në shprehjet popullore njerëzit thonë se martesa do punë, nga vetë shprehja bëhet fjalë për durim dhe falje. Dy njerëz që kanë vendosur të jetojnë përgjithmonë bashkë, kanë nevojë për rritje të vazhdueshme mendore, emocionale dhe shpirtërore. “Puna” e vërtetë e martesës është gjetja e një rruge që të përfshini njëri-tjetrin në procesin e zhvillimit tuaj.

3. Do t’ju duhet ndonjëherë të flini të nevrikosur (dhe të zgjoheni edhe më të nevrikosur)

Premtimi që i japin të porsamartuarit njëri-tjetrit që kurrë nuk do të lënë të nxehur, nuk e ka shumë të gjatë. Nëse bisedat për një temë zgjaten e stërzgjaten me akuzime, deklarata dhe fjalë të pamenduara, gjëja më e mirë për të bërë është të flini, ndonëse me shumë nerva apo me mungesë qetësie. U ndodh të gjitha çifteve të martuara, por është diçka që nuk të paralajmërojnë kur vendos të martohesh. Taktika “puthje dhe pajtim” nuk vlen gjithnjë kur bëhet fjalë për diçka të vazhdueshme siç është martesa, njerëzve u pëlqen të vendosin kufijtë e tyre.

4. Ndodh të ndërpriten marrëdhëniet seksuale për një periudhë kohe

Kur nënshkruhet martesa, në njëfarë mënyre nënshkruhet edhe fillimi ose vazhdimi i lidhjes seksuale, por ndonjëherë martesa vazhdon edhe pa seks për disa kohë. Shumë çifte e perceptojnë këtë si diçka normale, pavarësisht se të pamartuarve nuk u shkon shpesh në mendje diçka e tillë. Periudhat e mungesës së seksit nuk janë ndonjë habi e madhe dhe jo gjithmonë tregojnë se marrëdhënia po zbehet. Thjesht mund të jenë disa javë të papërshtatshme për krijimin e këtij lloj intimiteti. Rëndësi ka që martesa dhe jeta në çift vazhdon nëpërmjet gjesteve më të vogla si puthjet apo përqafimet.

5. Jo gjithmonë del mendja e njërit, rëndësi ka të gjeni rrugën e përbashkët

Zënkat në çift ndonjëherë përfundojnë në kokëfortësi për monopolin e së drejtës, por martesa nuk ka të bëjë me faktin se kush ka të drejtë, përkundrazi duhen gjetur rrugë që të keni të dy të drejtë. Të qenët mendje “bardhezi” në lidhjen martesore është diçka e papërshtatshme që domosdoshmërisht kërkon ndryshim. Kompromisi dhe durimi janë rruga e duhur e të pasurit një martesë të shëndetshme.

6. Martesat e shkëlqyera kanë konflikte, por nuk dorëzohen

Është e përhapur klisheja që një martesë e shkëlqyer është ajo ku grindjet mungojnë dhe çifti është gjithnjë në paqe. Megjithatë kjo nuk është e vërtetë dhe nuk mund të funksionojë në jetën e vërtetë. Martesat e arta janë ato ku çifti vazhdon të përpiqet derisa gjen të mesmen e artë, ku martesa funksion pa probleme dhe në mënyrë të rrjedhshme. “Varrosja” e hidhërimeve të vogla për hir të mos ekzistencës së grindjeve, mund të sjellë më shumë probleme sesa të mira.

7. Nuk mund ta ndryshoni tjetrin, vetëm veten

Martesa ndonjëherë duket si rruga e duhur për të përshtatur dikë sipas shijeve tuaja. Kjo nuk është e vërtetë. E vetmja gjë që mund të ndryshoni gjatë martesës, është vetja. Vetëm përpjekja për të ndryshuar dikë kërkon shumë energji dhe nerva, të cilat mund t’i kishit përdorur më mirë në pranimin e këtij njeriu dhe në ndryshimin e vetes. Nëse po mendoni se do ta ndryshoni partnerin që keni në krah pas martesës, atëherë e keni gabim. Do të jetë një përpjekje e kotë dhe humbje kohe.

8. Do të zbuloni fortësinë tuaj me kalimin e frikës dhe pasigurive

Njeriu nuk e di fuqinë e tij të vërtetë. Edhe ata që e perceptojnë veten si të dobët, me kalimin e disa rasteve të dhimbshme, fillojnë të forcohen. E anasjella nuk përjashtohet. Martesa është sfida në jetën e dikujt, është përpjekja e vazhdueshme për të ndryshuar dhe për të mbetur të njëjtët. Ajo që ju duhet për të përballuar me sukses gjithçka që mund t’ju ndodhë është të mbështeteni te njëri-tjetri, të punoni si një skuadër dhe të jeni njëkohësisht dy bashkëshortë të mirë, por edhe dy miq të mrekullueshëm.

 G.shqip

 

Horoskopi sot 18 Janar 2014

January 18, 2014 by  
Filed under Emigracion

Comments Off

Horoskopi sot 18 Janar 2014

Dashi 21/3 – 20/4

Marrëdhënia juaj në çift do  evoluojë si duhet gjatë kësaj dite.  Venusi do jetë planeti që do ju  mbështesë gjithë kohës dhe do  iu bëjë të ecni në rrugën e drejtë.

Demi 21/4 – 21/5

Do jeni shumë provokues sot me  partnerin dhe kjo mund të sjellë  debate në ndonjë moment. Kujdes  sepse jo gjithmonë partneri  do jetë në humor për t’iu duruar.

Binjaket 22/5 – 21/6

Ata që janë tashmë në një lidhje  do bëjnë çmos sot ta përforcojnë  edhe me tepër atë dhe do fillojnë  ta mendojnë më seriozisht të ardhmen  së bashku. Beqarët duhet  të njohin persona të rinj.

GAFORRJA 22/6 – 22/7

Pritet një furtunë e madhe sot në  jetën tuaj në çift. Do keni debate  dhe mosmarrëveshje dhe nuk do  dini nga t’ia mbani. Më mirë largohuni  për pak kohë nga njëri-tjetri  sa të qetësohet situata.

LUANI 23/7 – 21/8

Kujdes me mënyrën si do silleni  sot me partnerin sepse situata  mund t’iu dalë jashtë kontrollit.  Tregohuni të arsyeshëm dhe  mos e fajësoni gjithmonë atë që  keni në krah.

VIRGJE RESH? 22/8 – 23/9

Gjatë kësaj dite do e keni më të  lehtë t’i shprehni ndjenjat në çift  dhe atmosfera do bëhet më e  ngrohtë. Edhe ata që kanë pasur  mosmarrëveshje të shumta,  do jenë disi më të qetë.

PESHORJA 24/9 – 23/10

Ka shume gjasa që sot të mendoni  për një ndarje, ju që jeni në çift.  Ka kohë që partneri po iu qëndron  larg dhe nuk po merrni ngrohtësinë  e kërkuar. Para se të vendosni  gjithçka flisni edhe njëherë me të.

AKREPI 24/10 – 22/11

Nuk do kuptoheni aspak mirë me  partnerin tuaj gjatë kësaj dite dhe  priten debate të forta me të. Mos  kërkoni as të dalë e juaja dhe as të  hidhni poshtë çdo mendim të tij, por  gjeni rrugën e mesme.

SHIGJETARI 23/11 – 22/12

Do mbylleni në vetvete dhe nuk do  ia tregoni as partnerit brengat dhe  vuajtjet shpirtërore. Megjithatë ai  që keni në krah do bëjë çmos që  t’ua ndryshojë gjendjen.

BRICJAPI 23/12 – 20

Lidhja në çift do fillojë të forcohet  edhe me tepër gjatë kësaj dite.  Nuk do keni më konflikte të ashpra  dhe për çdo hatërmbetje do  flisni menjëherë. Beqarët mund të  nisin një histori dashurie.

UJORI 21/1 – 19/2

Rutina e jetës suaj në çift do ju  duket edhe më e rëndë gjatë  kësaj dite. Flisni hapur me partnerin  dhe mundohuni të gjeni  zgjidhjen më të mirë për të dy.

PESHQIT 20/2 – 20/3

Do e ngrini në piedestal partnerin  tuaj gjatë kësaj dite, pa e ditur se  ai në fakt ka kohë që ia ka hedhur  sytë dikujt tjetër. Tregohuni më  dinakë dhe gjeni mënyrën për ta  kontrolluar.

 

burimi www.shekulli.com.al


Comments

comments

“Shqipja ka nevojë emergjente për një politikë gjuhësore dhe ligj mbi gjuhën”

January 14, 2014 by  
Filed under Kulturë

Comments Off

 

"Shqipja ka nevojë emergjente për një politikë gjuhësore dhe ligj mbi gjuhën"TIRANE - Prof. Kristina Jorgaqi, gjuhëtare, pedagoge e lëndës së Sociolinguistikës dhe Planifikimit Gjuhësor në Universitetin e Tiranës; autore, ndër të tjera, e dhjetëra shkrimeve mbi çështje të shqipes standarde si dhe e rubrikave gjuhësore në media sqaron përmes intervistës dhënë për “Gazetën Shqiptare” se ka nevojë emergjente për një politikë gjuhësore dhe ligj mbi gjuhën.
Prof. Jorgaqi, në shtyp botohen herë pas here lajme lidhur me shqipen standarde: që nga propozimet për ndryshimin e drejtshkrimit e deri tek ai për vendosjen e redaktorit gjuhësor pranë çdo ministrie. Ndërkaq, cilësia e “prodhimeve” gjuhësore vazhdon të mbetet e ulët. Cila është, sipas jush, arsyeja që gjendemi në këtë situatë?
Nuk ka nevojë të jesh gjuhëtar për të konstatuar se po bëhen gjithnjë e më të shumtë ata shqiptarë që, edhe pse formalisht a zyrtarisht të arsimuar, nuk i zotërojnë ose i zotërojnë në mënyrë krejt të pamjaftueshme normat e shqipes standarde. Por sigurisht që duhet të jesh gjuhëtar për t’u shprehur me përgjegjësi se fajin për këtë nuk e ka standardi dhe normat e tij “të komplikuara”, por mungesa e përkujdesjes institucionale ndaj tij.
Ekziston vërtet një opinion që ia “vë fajin” standardit që ka shqiptarë, të cilët nuk e zotërojnë atë?!
Po, dhe mbrohet kryesisht nga ata që mëtojnë për ndryshimin e bazës dialektore të shqipes standarde. Ndërkohë edhe shtypi, për fat të keq, po kontribuon pa dashje këto kohë në përhapjen e këtij opinioni. Si, do të pyesni ju. Duke botuar herë pas here lajme se po punohet për ndryshimin dhe thjeshtimin e rregullave të drejtshkrimit të shqipes standarde, që kjo të bëhet më e lehtë për t’u mësuar e përdorur, që shqiptarët ta zotërojnë më mirë.
Ku qëndron “e keqja” kur ne përmbushim kështu të drejtën për informim të çdo qytetari shqiptar lidhur me ndërhyrjet mbi gjuhën e tij zyrtare?
Afërmendsh që çdo qytetar ka të drejtën e informimit, por të informimit të saktë, ama. Të marrësh e të botosh në gazetë informacione e deklarata ashtu siç gjenden ato në uebsite-et e organizmave a të institucioneve që i lëshojnë, nuk do të thotë se e ke bërë punën siç duhet.
A mund të shpreheni më konkretisht?
Do të përmendja, sa për të marrë një shembull, rastin e botimit të herëpashershëm në shtyp të vendimeve që merr një forum shkencor si Këshilli Ndërakademik për Gjuhën Shqipe (2004). Lexuesit e shtypit, të painformuar prej gazetarëve se kanë të bëjnë thjesht me një organizëm shkencor, i cili nuk ka “tagër” për të ndryshuar normat e shqipes standarde, i marrin sugjerimet dhe rekomandimet e tij si vendime taksative për ndryshim, çka i çorienton e i bën ata edhe më konfuzë.
Meqë dolëm në këtë temë, a mund t’u sqarojmë më mirë lexuesve se ç’përfaqëson Këshilli Ndërakademik për Gjuhën Shqipe dhe cili është roli i tij lidhur me standardin?
Këshilli është një strukturë shkencore apo akademike, që u krijua në vitin 2004 si një projekt bashkëpunimi mes Akademisë së Shkencave të Shqipërisë dhe Akademisë së Arteve dhe të Shkencave të Kosovës. Ai u ngrit, sikurse thuhet në dokumentin themelues, si një forum shkencor, i përbërë prej gjuhëtarësh, me qëllim që të orientojë “përpjekjet institucionale për mbrojtjen, zhvillimin dhe pasurimin e shqipes standarde…”. Me fjalë të tjera, Këshilli përfaqëson një organizëm, që mund të bëjë vetëm rekomandime, por nuk ka fuqi vendimmarrëse për shqipen standarde.
Puna e një forumi shkencor, megjithatë, s’mund të jetë veçse një kontribut i dobishëm, apo jo?
Pa dyshim i dobishëm, por i pamjaftueshëm, në një kohë kur ne kemi nevojë të ngutshme për të ndërhyrë e për të marrë vendime konkrete, që shqipja standarde t’i realizojë sa më mirë funksionet e saj si mjet komunikimi i një shoqërie moderne, që synon të integrohet më gjerë dhe njëherësh të ruajë e të zhvillojë tiparet e saj identitare.
Po cili është ai institucion që ka sot “tagrin” në Shqipëri për të marrë vendime lidhur me shqipen standarde?
Pikërisht ky është problemi i madh, pasi prej vitesh nuk ekziston më një i tillë. Deri në fillim të viteve 2000 ishte Akademia e Shkencave e Shqipërisë, një institucion i mirëfilltë i kërkimit shkencor, që kishte “de jure” edhe funksione të një organizmi planifikues gjuhësor. Kur them Akademia, kam parasysh Institutin e Gjuhësisë dhe të Letërsisë, që ishte nën varësinë e saj. Ishte pikërisht ky institut, që në bashkëpunim edhe me Universitetin e Tiranës, hartoi në vitet ‘70-‘80 veprat themelore normative të shqipes standarde, si Drejtshkrimi i Gjuhës Shqipe (1973), Fjalori Drejtshkrimor i Gjuhës Shqipe (1976), Fonetika dhe Gramatika e Gjuhës së Sotme Letrare Shqipe, Morfologjia (1976), Fjalori i Gjuhës së Sotme Shqipe (1980) etj. Ka vite që Akademia është kthyer në një institucion honorifik, kurse institutet e saj janë vënë në varësi të një organizmi-ombrellë, siç është Qendra e Studimeve Albanologjike. Instituti i Gjuhësisë dhe i Letërsisë sot, me kapacitete njerëzore dhe financiare tejet të reduktuara, nuk i ka në fokus problemet e standardit.
Po si mund të zgjidhej ky “ngërç”?
Duke e institucionalizuar rishtas kujdesin ndaj shqipes standarde, që është trajta përfaqësuese e gjuhës sonë zyrtare. Në këtë situatë që ndodhet standardi sot, pas më shumë se dy dekadash braktisjeje nga ana e institucioneve të shtetit, zgjidhjet afatshkurtra dhe ndërhyrjet e pjesshme nuk janë rezultative. Prandaj, siç thotë fjala e urtë, “Demi duhet kapur për brirësh”.
Çfarë keni parasysh me këtë?
Ndonëse kemi humbur shumë kohë – 20 vjet nuk janë pak, apo jo? -, gjërat duhen bërë me themel e duke respektuar radhën e punëve. Duhet hartuar një strategji për të marrë në dorë punët e gjuhës, ku gjëja e parë është miratimi sa më shpejt nga parlamenti i një dokumenti që shpall politikën gjuhësore afatgjatë të shtetit shqiptar. Asnjë gjuhë standarde nuk mund të funksionojë me efikasitet dhe t’u shërbejë siç duhet përdoruesve të saj, nëse shteti nuk përpunon dhe zbaton një politikë gjuhësore me pikësynime të qarta. Gjëja e dytë është hartimi dhe miratimi i një ligji gjuhësor. Një ligj i tillë, veç tjerash, është edhe një mjet për ta konkretizuar e realizuar një politikë gjuhësore të shpallur tashmë. Gjëja e tretë është ngritja e infrastrukturës së nevojshme për zbatimin e ligjit dhe realizimin e detyrimeve që vijnë prej miratimit të tij.
Cilat duhet të jenë, sipas jush, synimet e politikës gjuhësore të shtetit shqiptar sot?
Shoqëria shqiptare sot ka nevojë për një politikë gjuhësore eksplicite, pra, të qartë e të mirëpërcaktuar, që duhet të mbajë mirë parasysh jo vetëm profilin sociolinguistik të shoqërisë shqiptare, por edhe kontekstet kulturore e politike kombëtare e globale ku kjo shoqëri gjallon. Përparësi e kësaj politike pa dyshim që duhet të jetë shqipja: mbrojtja, ruajtja, zhvillimi, kultivimi dhe përdorimi i saj në të tëra ato sfera të shoqërisë, ku përdoret normalisht çdo gjuhë zyrtare e një shteti. Pjesë e politikës gjuhësore të shtetit shqiptar duhet të jenë, gjithashtu, gjuhët e pakicave, të pranishme tashmë në politikat gjuhësore të të gjitha shteteve evropiane. Me këtë kam parasysh mbrojtjen, përdorimin dhe kultivimin jo vetëm të gjuhëve të pakicave kombëtare dhe etnike, por edhe të pakicave të tjera: të personave që nuk flasin e nuk dëgjojnë, të emigrantëve të huaj (që në një të ardhme jo të largët nuk do të jenë të paktë në Shqipëri) etj. Së fundi, por jo më pak e rëndësishme, politika gjuhësore e shtetit shqiptar duhet të përfshijë çështjen e njohjes së thelluar të gjuhëve të huaja, e më së pari të anglishtes, tashmë një gjuhë “de facto” e komunikimit ndërkombëtar. Në këtë aspekt politika jonë s’ka pse të jetë e ndryshme prej asaj të vendeve të Bashkimit Evropian.
Ç’nënkuptoni me ruajtje dhe kultivim të shqipes, kur e përcaktoni këtë si një përparësi të politikës gjuhësore shqiptare?
Jetojmë prej më shumë se 20 vjetësh në një shoqëri të hapur, që po jep e merr “pa doganë” me shoqëri e kultura të tjera, kryesisht përmes takimesh gjuhësore. Proceset e globalizimit e në mënyrë të veçantë revolucioni në teknologjitë e informacionit e të komunikimit (TIK), së bashku me kthimin e anglishtes në një “lingua franga” të përbotshme, e kanë vënë shqipen, ashtu dhe shumë gjuhë të tjera të vogla (por jo vetëm), përpara sfidash mjaft të vështira. E keqja e madhe nuk qëndron, ashtu sikurse jemi mësuar rëndom të dëgjojmë, thjesht e vetëm te depërtimi dhe përdorimi abuziv i fjalëve të veçanta prej gjuhësh të tjera. Sot ka një “mësymje” fushash të tëra terminologjike prej anglishtes, ku vendin e parë e zë natyrisht terminologjia e TIK, ajo e financës dhe e ekonomisë etj. Në këto kushte, gjuhët kombëtare, sidomos ato të popujve të vegjël, e kanë nevojë jetike mbrojtjen dhe kujdesin nga ana e shtetit dhe e shoqërisë.
Mund të na thoni diçka më konkrete mbi situatën e terminologjisë së TIK?
Të gjithë jemi dëshmitarë që tregu i TIK është tashmë një treg global dhe anglishtja është gjuha dominuese e produkteve të kësaj teknologjie. Kuptohet që në këtë kontekst edhe shqiptarët kanë akses ndaj mjeteve dhe shërbimeve të TIK pikërisht në gjuhën angleze. Por kjo ndodh sot, kur shkalla e analfabetizmit dixhital të shqiptarëve është e lartë. Në një të ardhme të afërt nuk do të jetë kështu, pasi me gjasë do të dixhitalizohet pjesa më e madhe e shërbimeve ndaj qytetarëve dhe përdorimi i TIK do të bëhet pjesë e pandarë e të gjithë sistemit tonë arsimor, sikurse ka ndodhur në shoqëritë ku ne kërkojmë të integrohemi. Nëse duam që të jetë shqipja gjuha kryesore e përdoruesve të produkteve dhe shërbimeve të TIK, duhet ideuar e vënë në zbatim sa më shpejt një plan veprimi për të përpunuar e zhvilluar një terminologji të TIK me bazë shqipen (një të ashtuquajtur “Albanian Action Plan”). Pa produkte dhe shërbime të cilësisë së lartë në shqipe, anglishtja do të bëhet gjithnjë e më dominuese në sferën arsimore, publike dhe atë të biznesit, duke i ngushtuar kështu hapësirat e përdorimit të gjuhës shqipe si gjuhë zyrtare në Republikën e Shqipërisë.
Le të ndalemi pak te ligji për gjuhën, nevojën e hartimit dhe të miratimit të të cilit ju e keni ngritur vazhdimisht në shkrimet tuaja. A ka të drejtë ndonjë kolegu juaj, kur e sheh atë si reminishencë të shtetit totalitar?
Këtë ide, me sa kujtoj, e ka pas shprehur i ndjeri Ardian Klosi. Nuk di arsyet pse e kishte fort për zemër, por di t’ju them me siguri se ligje për gjuhën sot ekzistojnë në pjesën më të madhe të shteteve evropiane. Për çfarë reminishencash totalitare mund të flitet, fjala vjen, në Francë apo në Suedi (sa për të marrë ndonjë shembull)?! Shteti totalitar shqiptar nuk pati kurrë një ligj gjuhësor e madje, as në kushtetutat e kohës nuk gjendet ndonjë nen për gjuhën.
A ka nevojë realisht shoqëria shqiptare për një ligj gjuhësor?
Ja, më thoni ju: nëse nevojën për një ligj gjuhësor e kanë ndjerë shtete me një traditë të hershme e të konsoliduar në punët e gjuhës, si mund të mos e ndjejmë ne? Shqipja, gjuhë e një populli të vogël, me një histori të vonë shkrimi e standardizimi, e gjendur sot në vorbullat e proceseve globalizuese, ka nevojë më shumë se çdo gjuhë tjetër evropiane për mbështetje institucionale. Po të llogarisnim këtu edhe katrahurën gjuhësore të këtyre 20 viteve të fundit, hartimi i një ligji për gjuhën dhe ngritja e infrastrukturës për zbatimin rigoroz të tij përbëjnë një nevojë emergjente për shoqërinë shqiptare.
Në emër të lexuesve, do të donim të dinim se çfarë mund të përmbante një ligj për gjuhën?
Më duhet t’ju them që ne kemi një Kushtetutë, e cila në një nen të sajin, e përcakton shprehimisht shqipen si gjuhë zyrtare të shtetit shqiptar. Pikërisht mbi këtë bazë, një ligj gjuhësor do duhej të garantonte funksionimin e shqipes në të gjitha sferat ku përdoret një gjuhë zyrtare. E nëse një ligj i tillë do të ekzistonte (dhe do të zbatohej, natyrisht), ne nuk do të blinim më mallra e produkte të importuara, shkruar në gjithfarëlloj gjuhësh të botës; nuk do të shihnim rrugëve postera e afishe gjigante reklamash, tabela dyqanesh e tabela rrugore të shkruara në anglisht e italisht. Një ligj gjuhësor do duhej të garantonte, gjithashtu, një përdorim korrekt, të qartë e të kuptueshëm të shqipes publike, por edhe ruajtjen e zhvillimin e saj. Një ligj mbi gjuhën do ta institucionalizonte rolin e redaktorit gjuhësor, do t’i hapte rrugë krijimit të një organizmi institucional që do të merrej me veprimtari planifikuese gjuhësore, do t’u garantonte të drejtat gjuhësore individëve dhe bashkësive të ndryshme, do të caktonte sanksione e penalitete për të gjithë ata që shkelnin ligjin etj.
Dhe një ligj mbi gjuhën do ta ndreqte, sipas jush, “katrahurën” tonë gjuhësore?
Nuk ka vend për iluzione të tilla. Një ligj nuk është një shkop magjik, që me një të prekur do ta ndryshonte sa hap e mbyll sytë situatën. Ama ligji dhe zbatimi i tij do t’i fuste në hulli çështjet e gjuhës, duke na dhënë në dorë mjete dhe mekanizma që do t’i vinin në punë “ingranazhet” e ndryshkura prej më shumë se dy dekadash. Mbi të gjitha, ai do t’i hapte rrugë krijimit të një institucioni të përkujdesjes gjuhësore, përgjegjës edhe për zbatimin dhe kontrollin e legjislacionit gjuhësor.
Çfarë keni parasysh kur flisni për një institucion të tillë?
Kam parasysh ato lloj institucionesh që gjenden në pjesën më të madhe të vendeve evropiane (të njohura me emra të ndryshëm, si këshill, komision, komitet, zyrë, delegacion, direktorat, autoritet, akademi etj.), që merren me veprimtari planifikuese gjuhësore, dmth. me hartimin e politikave gjuhësore si dhe me ndjekjen e zbatimin e tyre.
Këto janë institucione shtetërore apo private?
Këto janë pa përjashtim organizma shtetërorë, por të strukturuar në mënyra të ndryshme në vende të ndryshme. Ka vende ku ato funksionojnë pranë Ministrisë së Kulturës, të tjera pranë Ministrisë së Arsimit dhe/ose të Shkencës, sikurse ka dhe nga ato që janë në varësi të Këshillit të Ministrave ose që nuk janë të varura drejtpërdrejt nga ndonjë institucion. Janë pa përjashtim organizma me kompetenca shkencore e fuqi vendimmarrëse, që funksionojnë zakonisht përmes punës së komisioneve.
A e shihni të mundur krijimin e një organizmi të tillë edhe në Shqipëri?
Të mundur?! Krijimi i një këshilli për çështjet e gjuhës në Shqipëri jo vetëm që është i mundur, por ai është i domosdoshëm, madje një nevojë urgjente. Mjaft të kujtojmë vetëm faktin se shumë shpejt do të bëhemi vend kandidat për në BE dhe jo shumë vonë, vend anëtar i tij. Shqipja do të përballet frontalisht me gati 30 gjuhë të tjera qoftë si gjuhë e shkruar, qoftë si gjuhë e folur. Ndërkohë kapacitetet e saj leksikore dhe terminologjike janë për fat të keq, të ulëta. Të mos keqkuptohemi. E kam fjalën për ato kapacitete, zhvillimi i të cilave në çdo gjuhë të botës ka kërkuar e kërkon ndërhyrjen e gjuhëtarëve dhe të specialistëve të fushave të ndryshme. Thënë ndryshe, kërkon ndërhyrjen e shoqërisë mbi gjuhën apo veprimtarinë e planifikuar gjuhësore.
Dhe për ta mbyllur, a mund ta luante këtë rol Këshilli Ndërakademik i Gjuhës Shqipe?
Jo, pasi ai është thjesht një forum pune. Forume të tilla mund të ngrihen normalisht pranë çdo institucioni kërkimor, si fjala vjen, pranë universiteteve apo qendrave e instituteve kërkimore, siç ndodh edhe në botë. Sidoqoftë, mendimet, sugjerimet dhe rekomandimet e tyre do të ishin kurdoherë një kontribut me vlerë. Zhvillimi dhe promovimi i shqipes si gjuha e vetme zyrtare kombëtare e shtetit tonë kërkon një institucion publik të posaçëm me kompetencë shkencore dhe fuqi vendimmarrëse.

B.web

Next Page »