Papandreu – Metës: Do bëj realitet premtimet për emigrantët

Zëvendëskryeministri dhe ministër i Punëve të Jashtme, Ilir Meta, gjatë qëndrimit në Athinë,  zhvilloi një takim me homologun,njëkohësisht Kryeministër i Greqisë, Jorgos Papandreu.

Meta tha pas takimit, se Kryeministri Papandreu i ka theksuar mbështetjen e fuqishme të Greqisë për anëtarësimin e Shqipërisë në Bashkimin Europian, si dhe procesin e liberalizimit të vizave.

Kryeministri grek i është referuar iniciativës së Athinës, për anëtarësimin e vendeve të Ballkanit Perëndimor në BE brenda vitit 2014, që koincidon me 100- vjetorin e Luftës së Parë Botërore, iniciativë që, sipas zotit Meta, “synon të përmbushë ato angazhime që mori Bashkimi Europian ndaj Ballkanit, në samitin e Selanikut të vitit 2003”.

Zhvillimi i marrëdhënieve dypalëshe, që u cilësuan si të shkëlqyera, ka dominuar bisedën e dy politikanëve fqinjë, që u fokusua në çështjen e integrimit të mëtejshëm të emigrantëve shqiptarë që jetojnë e punojnë në Greqi. Meta ka përsëritur kërkesën e Kryeministrit Berisha, gjatë takimit të pati me kryeministrin grek, fundjavën e kaluar në Prespë, për njohjen e patentave të emigrantëve shqiptarë, si një masë që do të ndihmojë lëvizjen e lirë të tyre.

Më shumë tek gazeta Albaniapress 115.