Procedurat për Legalizimin e dokumentave në Ambasadën Shqiptare

• Tweet

• Tweet

Dokumentat e çdo lloji prodhuar në Shqipëri legalizohen vetëm pranë Ambasadës Greke në Tiranë, ose Konsullatave në Gjirokastër e Korçë, pasi të jenë kryer procedurat e mëposhtme

Certifikatat – Vërtetimet e Lëshuara nga Bashkia apo Komuna

• Legalizohen nga Prefektura që ka në varësi zyrën e gjendjes civile, bashkinë apo komunën që ka lëshuar çertifikatën apo vërtetimin.

Certifikatat – Deftesat e shkollave

• Legalizim pranë Drejtorisë së Arsimit të Rrethit;
• Legalizim në Ministrinë e Arsimit dhe Shkencës së Republikës së Shqipërisë.

Raportet Mjekësore

• Legalizim nga Ministria e Shëndetësisë e Republikës së Shqipërisë.

Vendimet e Gjyqit – Dokumentat e Lëshuara nga Gjykata

• Legalizim në zyrën Konsullore të Ministrisë së Punëve të Jashtme të Republikës së Shqipërisë.

Vërtetimet e Sigurimeve Shoqërore

• Legalizim ne prefekturën përkatëse.

Vërtetimet e lëshuara nga Rajonet e Policisë

• Legalizim në Ministrinë e Brendshme ose në zyrën Konsullore të Ministrisë së Punëve të Jashtme në Tiranë ose prefekturen përkatëse.

Dokumentat e lëshuara nga autoritetet e huaja dhe që do të përdoren në Shqipëri

• Legalizohen nga përfaqësia (Ambasada) e vendit që ka lëshuar dokumentin;
• Dokumentat e prodhuar në shtetin grek fillimisht duhet të marrin vulën e legalizimit në ministrinë përkatëse.
• Legalizohen nga Ministria e Punëve të Jashtme e Greqisë;
• Përkthehen në gjuhën shqipe nga autoritetet kompetente të vendit pritës(Shqipëri) ose nga Zyra e Përkthimeve e Ministrisë së Punëve të Jashtme të shtetit grek.